Naik Biwi / Shohar Ke Husool Ke Liye

Jis larkay ya larki ki khawahish ho keh us ka shareek-e-hayat naik aur parhezgar ho tou usay chahiye keh Surah Al Muzammil 11 jumairaat baad isha namaz 11 baar parh lay aur 11- 11 baar hi Darood parhay. Insha’Allah is amal ki barkat se naik shareek-e-hayat ki arzu puri ho gi.

Muntashir Ahl-o-Ayaal Ka Jama Hona

Baaz auqat youn hota hai ke koi shukhs kisi wajah se apne ahl-o-ayaal se juda ho jata hai. Ya khandan, azeez o aqarab juda ho gaye hon tou us shakhs ko chahiye keh subah ke waqt masjid main baith kar Ya Jamiu ko 1100 martaba parhe aur 7 din tak is amal ko jari rakhe. Insha’Allah woh afrad jin se woh juda hai us ke paas Allah unhain jama kar de ga. Agar woh khud ahl-o-ayal se juda hai tou woh un ke paas pohanch jaye ga.